23 жастағы қыз бірнеше күн бұрын ауруханаға жеткізілген. Ол көлік қағу салдарынан дене жарақатын алғанын мәлімдеген. Бұл туралы облыстық ішкі істер департаментінің баспасөз қызметі мәлімдеді.
Осы факті бойынша қылмыстық іс қозғалып, полиция қызметкерлері қызды қаққан көлік жүргізушісін іздеуге кіріскен.
Алайда тексеру барысында жәбірленуші қыз кафеде бейтаныс біреу дене жарақатын салғанын мойындаған. Ата-анасынан көгерген жерлерін жасыру үшін ол жолдың өтетін жеріне барып жатқан да, ары-бері өткендердің жедел жәрдем шақыруын күткен.
Осылайша қыз жол апаты туралы жалған мәлімет берген. Қазір қылмыстық іс қозғау туралы мәселе қаралуда.