«Біз ғылыми гранттар мен жобаларға қатысып, өзіміздің ғылыми ұсыныстарымызды әзірлеуді, оларды өңірімізде жүзеге асыруды жоспарлап отырмыз. Сондай-ақ оқу орнында оқытылып жүрген этносаяси саламен байланысты пәндерді теориялық және әдістемелік тұрғыдан қамтамасыз етіп, тарихи, әлеуметтік, саяси және экономикалық зерттеулер нәтижелерін тұжырымдамақпыз», — дейді Л.Гривенная.
Шараға аймақ басшысы Самат Ескендіров пен Қазақстан халқы Ассамблеясы төрағасының орынбасары Анатолий Башмаков қатысты. Қонақтар кабинеттің материалдық-техникалық базасымен танысып, университет ұжымын кафедраның ашылуымен құттықтады.
Айта кетейік, бұл елімізде ашылып отырған осындай екінші кафедра. Алғашқы Қазақстан халқы Ассамблеясы кафедрасы бұдан бұрынырақта елордадағы Л.Гумилев атындағы Еуразия ұлттық университетінде ашылған еді.