Мына бөшкелерге құйылған суға СЭС қызметкерлері у араластырып жатыр. Өйткені, масаларды осы улы қоспамен ғана көзін жоюға болады. Сөйтіп көктем шыға Елордадағы зиянкестердің санын азайтуға жанталасып жатыр. Оның өзінде қас қарайған шақта. Алайда, жұртты «кеселден қорғаймыз» деп жүрген жандарды түсінбей жүргендер көп.
Денис Рукаберт, дезинфекиялаушы:
-Түнімен дарылдатып жүргеніміз тұрғындарға ұнамайды. Айқайлап, ұрсып, полиция шақыртамыз дейді. Басқа амалымыз жоқ енді. Шашып жүргеніміз улы ғой. Күндіз адамдар уланып қалуы әбден мүмкін. Ал, бұл жұмыстың бәрі сол тұрғындар үшін.
СЭС қанша әлек болғанымен жәндіктердің қауіпті түрлері де пайда болып жатыр. Бұл жолы «Анофлес» деп аталатын маса бас көтере бастапты. Қауіпті қансорғыш Елорда іргесін жаулап алған. Енді орталыққа жаппай ағылуы ғажап емес. Ең қорқыныштысы жәндікке таланған адам өліп кетуі мүмкін. Болмаса безгек ауруын жұқтыруы ықтимал.
Айбарша Дүйсенбай, Астана қалалық СЭҚБ бас маманы:
–Астана қаласында «Анофлес» масасының пайда болу түрі бар. Өйткені, қолайлы жағдай болып отыр оның пайда болуына. Бұл бізде Мичурин кентінде 2013-те табылды, бірінші ошағы. Екінші ошағы жақында Алаш тас жолында екінші орынды тауып отыр, қала бойынша.
Сондықтан қансорғышпен күрес күшейтіліп отыр. Оның қалаға жайылмасы үшін батпақты жерлер, өзен көлдер ғана емес, тұрғын йлердің жертөлелеріне у себілуде. Ал қансорғыштардан қорғану үшін есік терезені қымтап отырған жөн. Өйткені, қауіпті жәндіктен қанша қорғанымен, ол осы жазда ойран салуы әбден мүмкін.
-Оның үстіне биыл синоптиктердің болжамынша елімізде жауын-шашын мол болады. Бұл тұрғынар үшін қауіп. Әсіресе жазда. Себебі жаңбырдан кейін масаларға жан бітіп белсенділіктері арта түседі екен. Ал масалар бас қаланы басып алмасы үшін СЭС қызметкерлері 24 тәулік бойы ұдайы кезекшілік ұйымдастырмақ.