8 желтоқсанда Астанада, синоптиктердің болжамынша, түнде ауа температурасы -30 градусқа төмендеді. Оңтүстік Қазақстан, Жамбыл, Алматы облыстарында сынап бағанасы түнде — 20-25, кей жерлерде 30 аязды көрсетті. 8-9 желтоқсанда Қарағанды, Шығыс Қазақстан облыстарында ауа температурасы төмендейді, кей жерлерде бұл көрсеткіш 30-35 градус аязға жетпек.
Қазақстанның басым аумағында күн құбылмалы болады. Қар жауады, әсіресе елдің оңтүстік-шығысында, кей жерлерде тұман, көктайғақ болып, жел күшейіп, боран соғуы мүмкін. Қазақстанның оңтүстігі мен батысында ғана жауын-шашын жаумайды.
Ақмола, Шығыс қазақстан, күндіз Павлодар облыстарында кей жерлерде жел 15-20 м/с дейін күшейіп, боран соғады деп күтілуде. Солтүстік Қазақстан, Қостанай облыстарында кей жерлерінде тұман болып, желдің жылдамдығы 15-20 м/с жетіп, боран соғуы ықтимал. Алматы, Жамбыл облыстарының кей аумақтарында тұман, көктайғақ, түнде жел 18-23 м/с дейін күшейіп боран болады. Қызылорда, Маңғыстау, Атырау, таңертең және күндіз оңтүстік Қазақстан облыстарында жел жылдамдығы 15-20 м/с жетеді.