Сенат депутаттары палатаның бейсенбідегі жалпы отырысында «Қазақстан республикасы мен Беларусь республикасы арасында ҚР азаматтарының Беларусь республикасы аумағында және Беларусь республикасы азаматтарының ҚР аумағында жүріп-тұру тәртібі жөніндегі келісімді ратификациялау туралы» заң жобасын мақұлдады.
Сонымен, парламент тарапынан толық мақұлданған құжат елбасының қол қоюына беріледі.
Аталған келісімге 2013 жылы 4-қазанда Астана қаласында қол қойылған.
Келісім Қазақстан мен Беларусь азаматтарының екі ел аумағында 30 күн бойы тіркеусіз тұруына рұқсат береді.