Яғни, жаңа кодекс бойынша медиатор сотқа арыз берген, тартысып жүрген тараптарды алдын ала кездестіріп, бітімгерлікке шақырады. Сөйтіп, азаматтық істерді мүмкіндігінше сотқа жеткізбеуді қарастырып жатыр. Алдын ала тәжірибе де жүргізілген. 1 жылдың ішінде 4 мың іс бойынша медиация өткізіліп, өзара дауласқан 8 мың адам ортақ келісімге келіпті. Бұл әдіспен уақыт үнемдеуге, шығындарды қысқартып, араздасып жүргендердің санын азайтуға болады екен. Судьялардың да жұмысы жеңілдейді. Өйткені бір судьяға күніне 10 азаматтық істен келеді. Сондай-ақ, жаңа кодексте адвокаттардың рөлі күшейеді делінген. Қорғаушы процес кезінде мемлекеттік органдардар мен қоғамдық бірлестіктерден анықтама немесе қажетті құжат талап ете алады.
Нұрлан Әбдіров, Мәжіліс депутаты:
-Нақты ұсынысы бар азаматтарды пікірталасқа шақырамын. Жұмыс тобының отырысын алдағы уақытта өткіземіз. Бұл кодекстің әр отбасыға әсері бар.