ТЖ бөлімінен хабарлағандай, «112» пультіне Үш биік ауылының 62 жастағы тұрғыны үйінен 16 ақпан күні таңертең шығып кеткені туралы телефон хабарламасы келіп түскен.
17 ақпанда сағат 14-те ол ұялы телефонынан үйіне хабарласып, жайылымнан оралып келе жатқанын айтқан. Тағы үш сағаттан кейін телефон соққанда ол қайда жүргенін білмейтінін хабарлаған. Жоғалып кеткен ер адамды іздеу жұмыстары елді мекеннің шығыс жағында, 20 шақырым радиусында жүргізілді. Жергілікті бес тұрғын малшыны күн батқанша іздеді, бірақ ауа райы бұзылып кетті. Іздеу жұмыстары 18 ақпан күні жалғасты.
Бүгін оларға полиция қызметкерлері қосылды.