"(…) көптеген мысалдар болды, біреулер тіпті 2 парақта 56 қате, 46, 52, 36,18 жіберген, біздің шешімімізге дау айтқандар да болды. Бірақ мұнда елдің жетекші мамандары отыр, ешқандай сұрақ туындауға тиіс емес”, деді ол Астанада сәрсенбіде комиссия отырысында.
М.Жолдасбеков еске салып өткендей, лингвистикалық комиссия оң шешім бермейінше, үміткер президентікке кандидат ретінде тіркеле алмайды.
Емтихан өткізу үшін ОСК құрамында бес адамы бар лингвистикалық комиссия құрды.
"Біз бүгін бүкіл тақырыптарды бекіттік. Кандидат кем дегенде екі бет жазбаша жұмыс жазуға тиіс, ол үшін бір сағат уақыт беріледі, үміткер тағы да уақыт керек десе, 30 минут қосып бере аламыз, бір жарым сағат ішінде болашақ президент екі бетті жазып шығады деп ойлаймын. Сосын мына кітаптар бар, қазақ әдебиетінің классикасы, үміткер оны еркін оқуға тиіс”, деді ол.
Қазақстан президентінің кезектен тыс сайлауы 26-сәуірге белгіленген. Президенттікке кандидатқа қойылатын талаптардың бірі, мемлекеттік тілді еркін меңгеруі.