Бұл туралы Марсель прокуроры Брис Робенге сілтеме жасай отырып bbc.co.uk хабарлайды.
Кабинадағы ұшқыштардың әңгімесі жазылған алғашқы «қара жәшік» апат орын алған соң көп ұзамай-ақ табылған болатын. Ондағы жазбалар бірінші ұшқыш кабинадан шығып кеткен кезде екінші ұшқыш — Андреас Любиц есікті мықтап жауып, Барселонадан Дюссельдорфқа бет алған ұшақты тау шатқалдарына бағыттағанын растайды, деп жазады 24.kz.
Ал германиялық ізкесушілер қайғылы жағдай орын алғанға дейін Любицтің өзін-өзі өлтіру жолдарын іздеп және ұшқыш кабинасының есігін аша алмастай етіп жабудың тәсілдерін зерттегенін айтқан болатын. Олар мұны оның планшетті компьютерін тексерген соң анықтаған. Негізі екінші «қара жәшік» ұшақтың техникалық жүйесін қадағалап отырады.