Бұл туралы қалалық ІІД баспасөз қызметі хабарлады.
Аталған кешендер апат қаупі жоғары учаскелерді автоматтандырылған режимде бақылауға мүмкіндік береді және жолдағы жалпы ахуалды жақсартады, делінген хабарламада.
Полиция мәліметінше, бастапқыда Алматыда аталған кешеннің 10 данасы іске қосылады. Олар жолдардағы ахуалдың өзгеруіне байланысты орын ауыстырып отырмақ.
Фоторадар кешені — жылдамдық режимін автоматты бақылауға арналған техника құралы. Ол жол ережесін бұзу фактілерін фото-бейнекамераға тіркеуге арналған.