Бұл туралы ол бүгін өткен ОКҚ брифингінде айтты.
«Шара аясындағы «Қазақстанның үздік әншісі» аталымы бойынша дауыс беру аяқталып қойды, бірақ әзірге нақты нәтижесі белгісіз. Сондықтан мен өз ойымды айта берсем, ештеңе етпейтін болар. Менің ойымша, қазақстандық әншілердің ішінде үздіктерінің бірі — Қайрат Нұртас. Мен соның жеңгенін қалаймын. Және оның әндері Ресейде танымал бола түссе екен деймін», — деп атап өтті ол.
Айта кетейік, «Қазақстанның үздік әншісі» атағына «МузАрт» тобы, Қайрат Нұртас, Әли Оқапов, Нұрлан Абдуллин, Жанар Дуғалова ұсынылған.
Дауыс беру қорытындысы бүгін кешке «Астана Арена» стадионында белгілі болады.
