Айтуларынша, жұмыссыздар қатарын университет бітіріп шыққан дипломы бар мамандар толтырады екен. Әрі жұмыс беруші мен оқу орындары арасында студенттерді қызметке орналастыру жайлы келісім жоқ. Соның кесірінен былтыр диплом алған 111 мыңнан астам түлектің тең жартысы әлі қызметке тұрмаған. Сондықтан Білім министрлігі жұмыссыздықты жою үшін заң жобасын әзірлеп жатыр. Оған сәйкес енді жұмыс күші сұранысқа ие мамандықтарға оқу гранттары көбірек бөлінбек. Биыл әсіресе, техникалық салаға басымдылық беріліп тиісті келісім-шарт жасалмақ.
Есенғали Иманғалиев, ҚР Білім және ғылым вице-министрі:
—Тәжірибеден өту мәселесі қаралады сол шарттың ішінде. Жұмысқа тұру мәселелері шешіледі. Шәкіртақы мен тәжірибеден өтерде төленетін ақы болады. Сол қазір қарастырылып жатыр.