Алматыда ірі жол апатын жасаған жүргізуші түрмеден құтылды

Алматыда 12 көлікті бірдей соғып өткен автобус жүргізушісіне қатысты сот үкімі шықты. 31-ші бағыттағы қоғамдық көлікті жүргізген 63 жастағы Жәңгір Бауқашевтың бостандығы екі жылға шектеліп, 3 жыл бойы көлік жүргізу құқығынан айырылды.

Ол қызмет еткен автопарк басшылығы да жауапқа тартылды. Өйткені олар ақауы бар көлікті тексерместен жолға шығарған. Сондықтан бұлардан зақымданған 12 көлікті қалпына келтіру үшін материалдық шығын ретінде 7 жарым миллион теңге өндірілуі тиіс. Қаңтарда тежегіші істен шыққан автобус тоқтай алмай, жол бойында тұрған және бір бағытта келе жатқан 12 көлікті соққан. Салдарынан 9 адам жараланған болатын.

</br>