Грекия Еуроодаққа өз реформасын ұсынбақ

Бірақ Алексис Ципрас Үкіметі дайындаған реформа жобасы Брюссельдің көңілінен шығуы екіталай. Қазірдің өзінде Халықаралық валюта қоры Грекияға енді ешбір жеңілдік жасалмайтындығын кесіп айтуда. Ал Еуропаның орталық банкі әзірге үнсіз. Гректер ертеңнен қалмай кредиторларға өз ұсынысын жасауы қажет. Себебі Еуроодақ елдерінің басшылары жексенбіге жоспарларған саммитке дейін онымен танысуы тиіс. Егер ортақ мемлеге келе алмаса, Афинаның жағдайы мүшкіл болғалы тұр. Естеріңізге салсақ, гректер референдум өткізіп, қарызға алған 320 млрд долларды қайтарудан ашық бас тартқан болатын.