Алексей Кияницкий:
— Бұлармен соттасамын деп шаршадым. Сұрап отырғаным, соттың шешімі бойынша маған төлеуге тиісті ақша ғана. Жәрдемақыны «Су құбыры» коммуналдық кәсіпорны төлемей отыр.
Алексей Кияницкий 20 жыл бұрын осы «Алматы су» мекемесінде жүргенде аяғын кесіп алып, мүгедек болып қалған. Бұрынғы жұмыс берушілерімен 19 жыл соттасқан азамат ақыры жеңіп, былтырдан бері мекеме оған ай сайын 56 мың теңге жәрдемақы төлеуге міндеттеліпті. Сот шешімі шықса да, мүгедек жан әлі көк тиын көрген емес. Кияницкий сияқты мүгедек болып қалып, ақы алмаған тағы екі адам бар екен. Ал, «Алматы су» холдингі жәрдемақы төлейтін жағдайда емеспіз деп «ауыздарын қу шөппен сүртіп отыр». Айтуларынша, онсыз да қарызға белшеден батқан. Яғни, үш мүгедек қызметкеріне бүгін-ертең ақша ұстатқалы отырған жоқ. Сондықтан сотпен де ештеңе өндіре алмаған Александр Кияницкий енді жәрдемақысы қолына тигенше мекеме алдында осылай наразылықты тоқтатпауға бел буған.