Амстердамнан Куала-Лумпурге беттеген ұшақты кімдердің атып түсіргені әлі нақты айтылған емес. Дегенмен осы қанды қылмысты зерттеген халықаралық комиссияның алғашқы қорытындылары белгілі. Бүгін австралиялық news.com сайты лайнер құлағаннан кейін түсірілген видеоны жариялады. 17 минуттық таспада сепаратистердің «қара жәшікті» бірінші болып табуға жанталасып жүргені бейнеленген. Соған қарағанда, бүлікшілердің жасырғаны бар деп топшылайды ақпарат құралдары. Бір анығы зымыран осы сепаратистердің бақылауындағы аумақтан атылған. Тергеуді Голландиялық әуе қауіпсіздігі басқармасы жүргізіп жатыр. Оның ресми қорытындысы қазан айында жарияланбақ. Қазір бірқатар елдер осы лаңкестік шабуылға қатысты Біріккен Ұлттар Ұйымы аясында халықаралық трибунал құруды талап етуде.
- $ 471.77
- € 547.25
Алматы
- РУС
- ҚАЗ
2026 Жыл
20 Мамыр
