Мәскеудегі әуе диспетчерлері қызметтерінің хабарлауынша, Внуков әуежайына қонғанға дейін шамамен 20 минут уақыт қалғанда ұшақ бортында герметизациясыздану орын алғаны туралы әуе кемесінің командирі хабарлаған. Нәтижесінде ұшақты 7 мың метр биіктіктен 3 мың метр биіктікке төмендету туралы шешім қабылданды.
Ұшақ Мәскеуге аман-сау қонды. Жолаушылар мен экипаж мүшелері арасында оқиғадан зардап шеккендер жоқ.
Айта кетейік, ұшақтың немесе ғарыш кораблінің кабинасының герметизациясыздануы салдарынан ондағы оттегі көлемі азайса, бұл жолаушылар мен экипаждың ажал құшуына әкеледі.