6 млн. доллар табыс жинаған Гүлжан Молдажанова 17-ші орын алды. «Базалық элемент» компаниясы басшысының үздік 25 басшының рейтингінде жалғыз әйел екенін атап өту керек.
Гүлжан Молдажанова 1966 жылдың 11 маусымында Алматыда дүниеге келді. Білімі бойынша физик. 1989 жылы Қазақ мемлекеттік университетін үздік тәмамдаған. Одан кейін Мәскеудегі аспирантурада білім алу үшін Қазақстаннан кеткен. 27 жасында ғылым кандидаты атанды, ал 1994-1995 жылдары ММУ-де ғылыми жұмыспен айналысты.
Білімі: Қазақ мемлекеттік университеті, РФ Үкіметі жанындағы Қаржы академиясы.
Еңбек жолы:
1995 — «Алюминпродукт», хатшы
1995-1999 — «Сібір алюминийдің» есепшісі, қаржылық менеджер, коммерциялық директор;
2000-2004 — «Русал» компаниясының сату және маркетинг бойынша директоры, стратегия және бірлескен даму бойынша директор;
2004-2005 — алюминий бизнесі бойынша басқарушы директор, «Базалық элемент» компаниясы бас директорының бірінші орынбасары;
2005-2009 — «Базалық элемент» компаниясының бас директоры;
2009-2011 — «ЕСН» тобының бас директоры;
2012 жылдан бастап — «Базалық элемент» компаниясының бас директоры.