Ауғанстанда «әл-Каида» қайта күшейе бастады

Бұл туралы ел президенті Ашраф Гани Ахмадзай америкалық СNN телеарнасына берген сұхбатында мәлімдеген. Осы сөзімен ол аталған экстремистік қозғалыс өткен жылдың басынан бері елдегі ықпалын жоғалтты деген пікірді жоққа шығарды. Ахмадзайдың сөзіне қарағанда содырлар көптеген басқа мемлекеттен, оның ішінде Ресей, Қытай, Өзбекстан, Тәжікстан және Таяу Шығыстағы араб елдерінен ағылып келіп жатыр. Лаңкестікпен күресудің маңыздылығына тоқталған Ауған басшысы әуеден шабуыл жасай алатын қосымша күш болса, жергілікті әскерге үлкен көмек болар еді дейді.