Леонардо Ди Каприо «Оскар» жүлдесін жеңіп алды

Лос-Анджелесте өтіп жатқан америкалық киноакадемияның бас жүлдесін жеңіп алған үздік актер анықталды. The Revenant фильміндегі аңшы Хью Гласстың ролін үздік сомдап шыққаны үшін актер Леонардо Ди Каприо «Оскар» жүлдесін жеңіп алды. Сонау 1997 жылдан бері әйгілі «Титаник» арқылы атағы жер жарған Ди Каприо сол кезден бері қатарынан бірнеше рет осы жүлдеге номинант аталған еді. Енді, міне, бүгін Леоның ұзақ жылдар бойы үкілеген үміті ақталып, актер армандаған «Оскарына» қол жеткізді. Сондай-ақ келесі номинациялар бойынша жеңімпаздарды атап өтейік: Үздік деректі фильм: Amy («Эми»), өмірден ерте озған атақты соул әншісі Эми Уайнхаустың құрметіне түсірілген; Екінші пландағы үздік актер: Марк Райланс, «Шпионский мост»; Екінші пландағы үздік актриса: Алисия Викандер, «Девушка из Дании»; Шет тіліндегі үздік фильм: «Сын Саула», Венгрия; Үздік ән: Writing’s on the Wall, Сэм Смит; Үздік режиссер: Алехандро Гонсалес Иньярриту, «Выживший»; Үздік актриса: Бри Ларсон, «Комната»;