Астанада сыра қайнататын астыртын цех табылды

Астана қалалық Мемлекеттік табыс департаменті қызметкерлері сыра қайнататын астыртын цехты анықтады. Спиртті ішімдіктерді заңсыз өндіріп, сату фактісі елордадағы «SVOY» мейрамханасында орын алған.


Ведомство баспасөз қызметінің мәліметінше, мейрамханада сыра қайнататын жасырын цех табылған. Сонымен қатар, мұнда отандық және шетелдік спиртті ішімдіктер сақталып, сатылып келген көрінеді.
Тексеру кезінде табылған спиртті ішімдіктер толығымен тәркіленіп, аталған факті бойынша қылмыстық іс қозғалды.