Синоптиктердің ақпараты бойынша, қазақстанның оңтүстік облыстарына Иран аудандарынан циклон жылжып, онымен бірге алдағы үш тәулікте бұл аудандардың кей жерлерінде найзағай жарқылдап, жылы өткінші жаңбыр жауады. Батыс бөлігінен басқа, қалған аумағына Батыс Сібірден атмосфералық ағындар жылжып отыр. Мұнда кей жерлерде жаңбыр, найзағай күтіледі, бұршақ жаууы ықтимал, түнде кей жерлерде 0-3 градус үсік түседі, күндізгі ауа температурасы көбіне 13-20 градус болады. Республиканың батысында жауын-шашынсыз күн райы болжанады, тек Маңғыстау облысында өткінші жаңбыр жауып, найзағай жарқылдайды.