Қасиетті кітаптар турасында өткен бағдарлама барысында ол “кек алуға және қан төгуге” шақыратын үзінділерді оқып, қасиетті Құран Кәрімді қаралауға көшкен еді.
Алайда, бағдарлама қонақтары оның келтірген үзінділеріне күмән келтіріп, дауласа бастайды. Бұлтартпас айғақ таптым деп ойлаған тележүргізуші осы кезде барып өзінің оңбай қателескенін күллі көрермен алдында өзі көрсетіп берді. Қантөгіс шақырды деп айыптап отырған кітабының Құран емес, Інжіл екенін білген тележүргізуші “кешіріңізден” басқа сөз таппай, тілі күрмелді де қалды.