Қазақстанның ұлттық қауіпсіздік комитеті Қарағанды облысында террористік актіге дайындалған алты адамды ұстады деп мәлімдеді бейсенбіде ҰҚК төрағасы Владимир Жұмақанов.
Сәрсенбіде ҰҚК хабарлағандай, Қарағанды облысының Балқаш қаласы мен Гүлшат елдімекенінде қолдан жасалған жарылғыш заттарды пайдаланып, террорлық акті жасауды жоспарлаған радикалдық топ қызметінің жолы кесілді. Гүлшат кентінде лаңкестердің бірін ұстаған кезде ол өз-өзін жарып жіберіп, алған жарақатынан сол жерде көз жұмды.
"Алты адам ұсталды, бір адам өзін-өзі жарып жіберді. Ағымы — салафия", — деді Жұмақанов журналистерге парламент палаталарының бірлескен отырысынан кейін.
Ол ұсталғандар жергілікті тұрғындар, Қазақстан азаматтары екенін айтты.
"Мекен-жайлары бойынша тұратын жерлерінде террористік актіге дайындалған, Қарағанды өңірі. Бұл Ақтөбемен ешқалай байланысты емес", — деп қосты ол.