“Адам бұрын су ішкен құдығына неге түкіреді екен? Иә, бәлкім біз өзеннің екі жағында шығармыз, бірақ өзен біреу ғана емес пе? Алдымен біз бір әнді айтамыз, одан кейін біреу бөлініп шығып басқа ән айта бастайды. Неге екені белгісіз, ол өзінің екінші әнін жақсырақ деп санайды, ал өзі бұрын айтқан ноталардан «жасандылық» тауып, кезінде өзі тәуір санаған ноталарға сырттай күле бастайды. Енді не болып қалды? Жауап жоқ, себебі оның жағдайында бұл тым адами, алдын ала болжап білуге болатын әрекет. Маған мұндай ойын ұнамайды, бұл зиялылыққа жатпайды, өзге аймақтық деп айтса да болады…” – деп наразылық білдірді Бағым Мұхитденова.
Желідегілер мұндай жағдайдың жиі ұшырасатынын, бұл – өмір заңдылығы екенін айтып жатты. Олар бұл жазба КешYou-дің экс-солистерінің біріне арналған деп болжады.
