"Бүгін Кабулдың орталық бөлігіндегі жойқын жарылыс салдарынан Қазақстанның екі азаматы зардап шекті, олар жарылыс кезінде оқиға орнынан 500 метр қашықтықтағы қонақ үйде болған. Олардың бірі 1982 жылы туған, шағылған әйнек басын жарақаттап кетіпті, ал екіншісі 1991 жылы туған, аяғынан жарақат алды. Екі азаматпен де қазақстандық дипломаттар үнемі байланыста отыр, қажетті көмек беріп, қолдау көрсетуде", — деп хабарлады ҚР СІМ баспасөз қызметінің басшысы.
Зардап шеккендерге медициналық көмек көрсетілген. Жойқын жарылыстан Кабулдағы Қазақстан елшілігі ғимаратына да зақым келіпті, ол теракт эпицентрінен 1,5-2 шақырымдай қашықтықта орналасқан.