Алматыдағы көлік жолдағы ашық құдық қорқынышты жол апатына себеп болды. Екі қыз көліктер арасында қысылып қалды, алдан ала болжам бойынша, біреуінің аяғы кесіліп кеткен
Үш автокөліктің қатысуымен болған жол апаты салдарынан екі қыз қатты зардап шекті, деп хабарлады Sputnik Қазақстанға құқық қорғау органдарындағы дереккөзі. Жол апаты әл-Фараби даңғылы бойында Навои және Мустафин көшелері арасында орын алған. Көзбен көрушілердің сөзіне қарағанда, Honda CR-V шеткі сол қатарда келе жатып, беті ашық құдыққа соғылып, көліктің дөңгелегі жарылады. Көліктен екі қыз шығады, көмек күтпек болған секілді. Бұл кезде батыс бағытына Toyota Camry қозғалып келе жатқан. Жүргізуші Honda көлігігің апаттық фарасын жағып тұрғанын көріп, бірден ортадағы қатарға кіре бастаған. Бұл кезде ортадағы қатарда автобус келе жатқан, оның жүргізушісі бірден әрекет ете алмай қатты жылдамдықпен Camry көлігіне соқтығысады. Соққыдан Toyota көлігін Honda-ға қарай ұшырып жібереді. Сол кезде қыздар көліктің арасына қысылып қалады. "Жедел жәрдем" дәрігерлерінің сөзіне қарағанда, қыздардың бірінің екі бірдей аяғы кесіліп кеткен. Зардап шеккендер ауыр хәлде ауруханаға жеткізілді.