Ресейдің әуе күштері Сирияда содырлар қоршауында қалып қойған әскерилерді құтқарды

Әскери полицияның 29 ресейлік қызметкері мен муали тайпасының жауынгерлері Идлиб сириялық провинциясында содырлардың қоршауында қалып қойды. Үш ресейлік жарақат алған. Әскерилерге көмекке Ресейдің әуе күштері келді. Екі Су-25 ұшағы террористерді атқылап, жасақтың қоршаудан сытылып шығуына жәрдемдесті

Айта кетейік, "Джебхат ан-Нусры" содырларының шабуылы Астанадағы Сирия дағдарысы бойынша алтыншы кездесуде тараптардың төрт деэскалация аймағын құру туралы келісімге қол қойылғаннан кейін жасалды. Идлиб провинциясы сол төрт аймаққа кіреді.