Бұл туралы «ҚазАқпарат» ХАА ҚР Еңбек және әлеуметтік қорғау министрлігінің сайтына сілтеме жасап хабарлайды.
Ведомствоның мәліметінше, бұл веб-ресурс жастардың жұмыспен қамтылу деңгейі мен өмір сапасын жақсартуға бағытталған.
«ҚР Президенті жанындағы Мемлекеттік басқару академиясының магистранттары «Еңбек ресурстарын дамыту орталығы» АҚ-мен бірлесіп, 2017-2021 жылдары Нәтижелі жұмыспен қамтуды және жаппай кәсіпкерлікті дамыту мемлекеттік бағдарламасының барысы туралы ақпарат беретін сайт құрды. Оның мақсаты — 2019 жылдың 25 мамырына дейін жұмыссыз жастардың 3 пайызын тарту», — делінген таратылған ақпаратта.
«Еңбекке жол» жобасы үш бағыт бойынша жұмыс істеп жатқаны атап өтіледі: бағдарлама қатысушыларына техникалық және кәсіби білім беру, қысқамерзімді оқыту, жаппай кәсіпкерлікті дамыту, тұрғындардың жұмыспен қамтылуы және еңбек ресурстарының мобильділігі арқылы еңбек нарығын дамыту.
Бағдарламаға 9-11-cынып оқушылары, кәсіби білімі жоқ және білім мекемелеріне оқуға түспеген тұлғалар, аз қамтылған отбасылардан шыққан балалар, жұмыс іздеп жатқан немесе жұмыссыз адамдар қатыса алады.