Блогер Маңғыстауда шаруалардың малдарына қалай картон беретінін көрсетті

Ақтаулық блогер Азамат Сәрсенбаев Маңғыстау облысында шаруалар малға тамақ ретінде қалай картон беріп жатқанын көрсетті. Сондай-ақ, шаруалар үнемдеу үшін малдарына картонға кебек бен қалдық қосып береді екен, деп хабарлайды Stan.kz ақпарат агенттігі.

Азамат Сәрсенбаев Facebook желісіндегі парақшасында Ақтаудан 350 шақырым жерде орналасқан Ақшымырау ауылынан суреттер жариялады. Ол жергілікті тұрғындардың малдардың жем-шөбіне картонды қалай қосып беретінін көрсеткен.