Қазақстан қор биржасында теңгенің долларға шаққандағы орташа бағамы 149,44 теңгені құрады

5-маусым-бейсенбіде Қазақстан қор биржасында (KASE) теңгенің орташа бағамы сәрсенбідегі көрсеткішпен салыстырғанда 0,23 теңгеге арзандап , бір долларға шаққанда 149,44 теңгені құрады.

ҚР Ұлттық банкі белгілеген ресми бағам 150,50 теңгені құрайды.

АҚШ доллары бойынша Қазақстан қор биржасындағы сауда-саттық көлемі 24,220 миллион долларға жетті. Ал сәрсенбіде АҚШ валютасы бойынша сауда көлемі 9,670 млн. долларды құраған болатын.