Дүниежүзілік негізгі шикізат биржаларында таяудағы мұнай фьючерсінің құны 2,39-3,29 процентке арзандады

5-маусымдағы сауда-саттық қорытындысы бойынша дүниежүзілік негізгі шикізат биржаларында таяудағы мұнай фьючерсінің құны 2,39-3,29 процентке арзандады,- делінген "Ирбис" қаржы рыноктары Агенттігінің хабарламасында.

Бейсенбі күні Лондондағы халықаралық мұнай биржасындағы саудада Brent North Sea Crude Oil маркалы мұнайының шілделік фьючерсінің бағамы 2,39 процентке арзандап, әр барреліне 27,44 долларды құрады.

Ал Нью-Йорк тауар биржасында Light Sweet Crude Oil қоспасының шілделік фьючерсінің құны әрбір баррельге шаққанда 3,29 процент арзандап, 30 доллар 81 центті құрады.