Дүниежүзілік негізгі шикізат биржаларында таяудағы мұнай фьючерсінің құны 0,99-1,08 процентке арзандады

24-маусымдағы сауда-саттық қорытындысы бойынша дүниежүзілік негізгі шикізат биржаларында таяудағы мұнай фьючерсінің құны 0,99-1,08 процентке арзандады,- делінген "Ирбис" қаржы рыноктары Агенттігінің хабарламасында.

Сейсенбі күні Лондондағы халықаралық мұнай биржасындағы саудада Brent North Sea Crude Oil маркалы мұнайының тамыздағы фьючерсінің бағамы 1,08 процентке арзандап, әр барреліне 26,63 долларды құрады.

Ал Нью-Йорк тауар биржасында Light Sweet Crude Oil қоспасының тамыздағы фьючерсінің құны әрбір баррельге шаққанда 0,99 процентке арзандап, 28 доллар 88 центті құрады.