Алматы облысында Қырғызстан азаматынан 10 кило героин тәркіленді

Алматы облыстық ІІББ-ның есірткі саудасымен күрес жөніндегі басқармасының қызметкерлері ҚР ІІМ-нің есірткі саудасымен күрес жөніндегі департаментімен бірлесе отырып облыстық кедендік басқармасы қызметкерлерінің қатысуымен Қырғызстан азаматын тұтқындап, одан 10 кило героин тәркіледі. Бұл туралы KZ-today тілшісіне Алматы облыстық есірткі саудасымен күрес жөніндегі басқармасынан хабарлады.

Полиция мәліметіне сәйкес, жедел-іздестіру шаралары нәтижесінде Бішкек-Алматы тас жолының 33-ші шақырымында Қырғызстаннның Ыстық Көл облысы Ақсу ауданының 42 жастағы тұрғыны айдаған «Мерседес-250» автокөлігі ұсталды. Автокөлік салонына тінту жүргізген кезде көліктің артқы есігінің қаптауының артынан 1 килодан оралған 5 кило героин табылды. Тәркіленген героиннің жалпы салмағы 10 килоны құрады.

Қазір Алматы облыстық ІІББ тергеу шараларын жүргізуде.