Бұл туралы Caravan.kz медиа порталы ҚазАқпарат-қа сілтеме жасап хабарлайды.
«Ауданы 46 гектардан асатын 2 ауқымды парктің құрылысы жүріп жатыр. Әуежай ауданында ашылатын «Аспан» паркінің аумағы – 15 га. Сонымен қатар, Маяк тоғайы абаттандырылып жатыр. Ол – 31 га. Нысандар желтоқсан айында пайдалануға беріледі», — деді Ерболат Досаев тұрғындармен кездесуде.
Сонымен қатар, тұрғындардың ұсынысы бойынша шілде айынан бастап «Әуежай даңқы» сквері және №6 оқушылар үйінің жанындағы гүлзар абаттандырылып жатқанын атап өтті.
«Онда сыртқы жарық желілерін, жасыл аймақтарды суару жүйесін, орындықтар, қоқыс жәшіктерін орнату көзделген. Жұмыс 2023 жылдың II тоқсанында аяқталады», — деді қала басшысы.