Сенат кейбір заңнамалық актілерге өсімдік қорғау мәселелері бойынша енгізілетін түзетулерді мақұлдады

Бүгін, 24-маусымда өткен сенаттың жалпы отырысында халық қалаулылары "ҚР кейбір заңнамалық актілеріне өсімдік қорғау мәселелері өзгерістер мен толықтырулар енгізу туралы" заңды қабылдады,- деп хабарлайды KZ-today тілшісі республика Елордасынан.

Бұл заңда пестицидтер өндіру және оны сату жөніндегі іс-қызметке лицензия беруге қатысты түзетулер қамтылған.

Заңға енгізілген өзгерістер пестицидтер өндіру және оны сатуға қойылатын бақылауды күшейту, препараттардың адамдар денсаулығына нұқсан келтіру мүмкіндігінің қаупін азайту, сондай-ақ, Қазақстан рыногына тыйым салынған және аса қауіпті улы препараттардың еніп кетуіне қосымша тосқауыл қоюға бағытталады.
Заң мемлекет басшысының қол қоюына жіберілді.