Алматы облысында жел күшімен жұмыс істейтін алғашқы электр станция салынады

Алматы облысында жел күшімен жұмыс істейтін алғашқы электр станция салынады. Станция құрылысын салу жөніндегі пилотты жобаны жүзеге асыру мәселелері Алматы облысының әкімі Шалбай Құлмахановтың ҚР энергетика және минералды ресурстар министрлігі мен БҰҰ Даму бағдарламасының өкілдерімен кездесуінде талқыланды. Бұл туралы KZ-today тілшісіне әкімнің баспасөз қызметінен хабарлады.

Жел күшімен электр қуатын өндіретін станция Алакөл ауданының аумағында Жоңғар қақпасының маңында салынады деп күтілуде. Алайда, Ш.Құлмахановтың пайымдауынша, «Станцияны Жоңғар қақпасының маңында және Шелек дәлізінде салу мүмкіндіктері бар».

Алғашқы электр станцияның қуаты 5 МВт болмақ. Оны салу үшін 5,5 млн. доллар қажет.