Таиланд ханшайымы ресми сапармен елімізге келеді

17-20-сәуір аралығында Таиланд Корольдігінің ханшайымы Маха Чакри Сириндорн ресми сапармен Қазақстанға келеді. Бұл туралы KZ-today тілшісіне ҚР СІМ-нің баспасөз қызметінен хабарлады.

Маха Чакри Сириндорн Астана және Алматы қалалары мен Оңтүстік Қазақстан облысында болады.

Сапар барысында Таиланд ханшайымы Елбасы Нұрсұлтан Назарбаев, парламент мәжілісінің төрағасы Орал Мұхамеджанов, Алматы қаласының әкімі Иманғали Тасмағамбетов, Оңтүстік Қазақстан облысының әкімі Болат Жылқышиевпен кездеседі.
Сапар бағдарламасына сәйкес, Таиланд ханшайымы Қазақстандағы тарихи ескерткіштермен және басқа да көрнекті жерлермен танысады.