Еуропарламент өкілі аймақтағы бейбітшілік пен тұрақтылықты қамтамасыз етудегі Еуразиялық МедиаФорумның маңызын жоғары бағалады

Еуразиялық МедиаФорум "аймақтағы және Еуразиялық кеңістіктегі бейбітшілік пен тұрақтылықты қамтамасыз ету мақсатында Қазақстан көтерген тағы бір маңызды бастама болып табылады". Форумға қатысушыларға құттықтау хат жолдаған Еуропалық парламенттің бірінші вице-президенті Алехо Видал-Квадрас Рока бас қосуға осындай баға берді,- деп хабарлайды KZ-today тілшісі.

Алехо Видал-Квадрас Рока форум Шығыс пен Батыстың қоғам қайраткерлері мен жетекшілерін өзара жалғастыратын алтын көпір ретіндегі маңызын тағы бір дәлелдейді дегенге сенім білдірді.

Өз хатында Еуропарламенттің бірінші вице-президенті қоғамның ашықтығын қамтамасыз етуде БАҚ-тар атқаратын маңызды рольді ерекше атап өтті. БАҚ-тар демократиялық құндылықтардың дамуына, халықтар мен түрлі мәдениеттер арасында идеялар алмасу мен өзара түсіністікке түрткі болады, деді ол.