Алматыда героин контрабандасы үшін Тәжікстан азаматы ұсталды

Алматы қалалық ІІББ-ның есірткі саудасымен күрес басқармасының қызметкерлері героин контрабандасы үшін Тәжікстан азаматын ұстады. Бұл туралы KZ-today тілшісіне Алматы қалалық ІІББ-ның баспасөз қызметінен хабарлады.

Тәжікстанның Хотлон облысы Дустинский ауданында тұратын 41 жастағы азамат Алматыдағы Сазановская көшесіндегі бір жай үйдің ауласында қолға түсті. Тәртіп сақшылары одан 62,07 грамм героин тәркіледі.

Баспасөз қызметінің ақпаратына сәйкес, есірткі Алматыға «Қордай» кеден бекеті арқылы жеткізілген.