Қазақстан Халық банкінің зейнетақы жинақтаушы қорының активтері 1 млрд. доллар немесе еліміздегі жалпы зейнетақы активтерінің 25 процентіне жетті

"Қазақстан Халық банкінің зейнетақы жинақтаушы қоры" АҚ еліміз бойынша бірінші болып зейнетақы активтерінің мөлшерін 1 млрд. доллар немесе 131,46 млрд. теңгеге, басқаша айтқанда, еліміздегі жалпы зейнетақы активтерінің 25 процентіне жеткізді. Бұл туралы бүгін, 10-мамырда Алматыда өткен баспасөз мәслихатында Халық банкінің төрағасы Григорий Марченко мәлімдеді,- деп хабарлайды KZ-today тілшісі.

2005-жылдың 1-сәуіріндегі жағдаймен Қазақстан Халық банкінің зейнетақы жинақтаушы қоры салымшыларының саны 1,276 млн. адамға жетіп, бір жылда 10 процентке өсті. Зейнетақы жинақтаушы қор басқармаларының төрайымы Кәмила Арыстанбекованың айтуынша, зейнетақы жинақтарының 23,7 процентін болашақ зейнеткерлердің салымына қосылатын инвестициялық кіріс құрайды.