Тбилиси қаласында ТМД үкімет басшылары кеңесінің жиыны өтуде

Бүгін, 3-маусымда Тбилиси қаласында ТМД үкімет басшылары кеңесінің қазіргі төрағасы, Молдавия үкімет басшысы Василий Тарлев кеңестің кезекті жиынын ашты,- деп хабарлайды KZ-today тілшісі Ресейдің "Новости" ақпараттық агенттігіне сілтеме жасай отырып.

Қазір жиын кеңейтілген құрамда өткізілуде. Бұған дейін үкімет басшылары жеке дидарласқан.

Отырысқа Әзербайжан, Армения, Беларусь, Грузия, Қазақстан, Молдавия, Ресей, Тәжікстан және Украина үкімет басшылары қатысуда. Қырғызстан атынан вице-премьер міндетін атқарушы, Өзбекстаннан үкімет басшысының орынбасары, Түрікменстаннан республиканың Достастық аясындағы жарғылық және басқа да органдардағы толық құқылы тұрақты уәкілі қатысып отыр.
Бұдан бұрын да хабарлағанымыздай, отырыс барысында 30-ға жуық құжат қаралады. 20 құжат жобасы талқылаусыз қабылданады деп күтілуде.