Қарағанды облысында өрт салдарынан 300 басты мал қырылды

Қарағанды облысында далалық өрт салдарынан 300 басты ұсақ мал қырылды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Өрт Ұлытау ауданындағы Шұбарқұдық елді мекенінің маңында 14-маусымда 3 сағат 10 минутта шыққан. Өрт 4800 гектар аумақты шарпыды. Тілсіз жауды ауыздықтауға 30 адам мен 7 техника жұмылдырылып, 15-маусымда 19 сағат 8 минутта сөндірілді.