Солтүстік Каспийде теңіз суының деңгейі 1 метрге көтеріледі деп күтілуде - Қазгидромет

23-24-маусымда батыстан күшті жел тұруға байланысты Солтүстік Каспийдің шығыс жағалауында теңіз деңгейі 1 метрге көтерілу қаупі бар. Бұл туралы KZ-today тілшісіне ҚР төтенше жағдайлар жөніндегі министрлігінің республикалық дағдарыс орталығынан хабарлады.

Министрліктің түсініктемесіне сәйкес, қатер туралы «Қазгидромет» РМК ескерту таратты. Төтенше жағдай болуы мүмкін аймақта адам шығынына жол бермеуге және тіршілік қамтамасыздығы нысандарының жұмысын тоқтатпауға бағытталған шаралар кешені алынуда.