Шымкент тұрғыны күйдіргінің терілік түрімен ауруханаға жатқызылды

Шымкенттің бір әйел тұрғыны "күйдіргінің терілік түрі" деген диагнозбен жұқпалы аурулар ауруханасына жатқызылды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрлік ақпаратына сәйкес, 53 жастағы әйел 21-маусымда ауруханаға жеткізілді. Дәрігерлердің болжауынша, ол жеке меншік дүкенде ет сату барысында ауру жұқтырған.

Қазір дерт ошағында онымен қарым-қатынаста болған екі адам анықталды. Зертханалық тексерулер мен эпидемияға қарсы шаралар алынуда.