Алматы қалалық полициясы лаңкестік әрекеттерге қатысы бар деп Өзбекстан жағы іздестіріп жатқан бірнеше адамды ұстады

Алматы қалалық көші-қон полициясы 2005-жылдың 5 айында лаңкестік әрекеттерге қатысы бар деп Өзбекстан жағы іздестіріп жатқан бірнеше адамды ұстады. Бұл туралы бүгін, 27-маусымда Алматыда өткен баспасөз мәслихатында қалалық ішкі істер департаментінің көші-қон полициясы басқармасының бастығы Талдыбек Қаттаубаев мәлімдеді,- деп хабарлайды KZ-today тілшісі.

Т.Қаттаубаевтың айтуынша, бұл туралы ақпарат әлгілер Алматы қалалық көші-қон полициясы басқармасында тіркеуден өтуге әрекет еткеннен кейін келіп жеткен. «Олардың бәріне де Өзбекстан ішкі істер министрлігі іздеу жариялаған болатын»,- деді басқарма бастығы.