Шымкентте еңбекақысын талап еткен бір бала бағушы нәрестені балконнан лақтырамын деп қоқан-лоққы жасады

Шымкент полициясы үшінші қабаттағы үйдің балконынан алты айлық сәбиді лақтырып жіберемін деп қоқан-лоққы жасаған 19 жастағы қызды ұстады. Бұл туралы KZ-today тілшісіне Оңтүстік Қазақстан облыстық ішкі істер департаментінің баспасөз қызметінен хабарлады.

Полицияның ақпаратына сәйкес, бала бағушы болып істеген әлгі қыз осындай жолмен еңбекақысын өндіріп алмақ болса керек.

Қамауға алынған қыз қазір Шымкент полициясының 3-бөлімінде отыр. Тәртіп сақшылары баланың анасымен тіл қатыса алмады. Өйткені ол сұрақ кезінде мас болған.