ҚР СІМ президентке Шанхай ынтымақтастығы ұйымының саммитіне дайындық барысы туралы баяндады

Бүгін, 29-маусымда ҚР СІМ Қасымжомарт Тоқаев Елбасы Нұрсұлтан Назарбаевқа Шанхай ынтымақтастығы ұйымының саммитіне дайындық барысы туралы баяндады. Саммит 5-6- шілдеде Астанада өтеді деп межеленген,- деп хабарлайды KZ-today тілшісі президенттің баспасөз қызметіне сілтеме жасай отырып.

Қ.Тоқаев президентке ҚХР төрағасы Ху Цзиньтаоның Қазақстанға мемлекеттік сапарына дайындық барысы туралы да хабарлама жасады.

Бұдан бұрын да хабарлағанымыздай, ҚХР төрағасы Ху Цзиньтаоның Қазақстанға мемлекеттік сапары 3-4-шілдеге белгіленген. Ху Цзиньтао Шанхай ынтымақтастығы ұйымының саммитіне қатысады деп күтілуде.