Пәкістан президенті 2005-жылдың ІІІ тоқсанында елімізге келеді

2005-жылдың ІІІ тоқсанында Пәкістан президенті Первез Мушарраф Қазақстанға ресми сапармен келеді. Бұл туралы бүгін, 1-шілдеде Астанада Пәкістан Ислам Республикасының Қазақстандағы төтенше және өкілетті елшісі Ирфан-ур-Рехман Раджи журналистерге мәлімдеді,- деп хабарлайды KZ-today тілшісі.

Елшінің айтуынша, бүгін Елбасы Нұрсұлтан Назарбаевқа сенім хатын табыс ету рәсімінен кейін осындай мүмкіндік талқыланды. «Қазір біз сапарды 2005-жылдың ІІІ тоқсанында, дәлірек айтсақ қыркүйек-қазан айларында жүзеге асыру үшін бар күшімізді салудамыз»,- деді ол.

Елшінің пікірінше, «П.Мушаррафтың сапары екі жақты ынтымақтастықты нығайтудың маңызды факторына айналмақ».