Таразда жарылғыш зат орнатылғаны туралы хабарға байланысты полиция бөлімшесі эвакуацияланды

Бүгін, 1-шілдеде Алматы уақытымен 14 сағат 30 минутта Тараз ішкі істер департаментінің кезекші бөліміне Жамбыл облыстық ішкі істер департаментінің №2 полиция бөлімшесінің ғимаратына жарылғаш зат орнатылғаны туралы ақпарт келіп түсті. Бұл туралы KZ-today тілшісіне облыстық төтенше жағдайлар жөніндегі департаментінен хабарлады.

Оқиға орнына ҰҚК, облыстық төтенше жағдайлар жөніндегі департаменті мен полиция сынды қаладағы шұғыл қызметтердің өкілдері келіп жетті. Ғимарат аумағын полиция қызметкерлері қоршауға алды. Қазір оқиға орнында саперлер мен кинологтар жұмыс істеуде.